rêkeftî 28.02.2026, bi beşdariya Rewenda Kurdistanî li bajarê Basel – Swîsra, civînek giranbuha li ser zimanê dayîkê hat lidarxistin, bi amadebûna hejmarek kurd ji hemû parçeyên Kurdistanê.
Mêvanê sereke yê vê civînê nivîskar û zimanzanê kurd Osman Ozçelik bû.
Osman Özçelik xelkê Bakurê Kurdistanê ye û di sala 1952’an de hatiye dinyê.
Di vê semînarê de girîngiya zimanê dayîkê bi awayekî zanistî û neteweyî hate ravekirin. Wî di gotarê xwe de got:
“Ziman netew e; eger ziman çû, netew jî dimire.”
Her weha amaje kir ku ji nêzîkî 6 hezar zimanên ku îro li cîhanê tên axaftin, zimanê kurdî di rêza 31’an de ye; û li gorî zengîniya ferhengî ya zimanan, kurdî di rêza 8’an de tê hesibandin.
Semînarek dewlemend, zanistî û balkêş bû, ku di nav beşdarên de hestên berxwedan, hişmendî û berpirsyariya li hember zimanê dayîkê zêde kir.