Li Dijî Topbaranên Îranê Kurdên Fîndlandiyayê Xwepêşandan Kirin

Li Fînlandiyayê, li dijî êrîşên Komara Îslamî ya li ser navendên partî û baregehên li Rojhilatê Kurdistanê û gundên li ser rojhilat û başûr, xwepêşandan hatin lidarxistin.

Doh di 16ê Îlona 2021an de Kurdên Finlendî li paytexta wî welatî, ji bo şermezarkirina êrîşên vê dawiyê yên Komara Îslamî li ser sînorê Rojhilat û Başûrê Kurdistanê û topbarankirina gund û binke û navendên partiyên Rojhilatê Kurdistanê xwepêşandan kirin.

Hêjayî gotinê ye ku daxwazên xwepêşandêran radestî Wezareta Karên Derve ya Fînlandiyayê hatin kirin û ji aliyê nûnerê Wezareta Karên Derve yê Karûbarên Rojhilata Navîn ve hatine pêşwazîkirin.