بە بۆنەی حەوتەمین ساڵیادی دڕندەترین هێرشی تیرۆریستانی داعش بۆ سەر شنگال و ناوچەکانی، كە بەوهۆیەوە هەزاران ئێزدی کۆمەڵکوژ و بێسەروشوێن و ئاوارە كران، جارێکی دیکە خەمباری خۆمان بۆ خوشک و برا ئێزدییەکانمان بەرانبەر وەها کارەساتێ دەردەبڕین.
لەم یادە خەمناكەدا، داواکارین تاوانبارانی جینۆسایدکردنی ئێزدییەکان بدرێنە دادگا و سزای بە هەقی خۆیان وەربگرن، هاوکات حکوومەتی هەرێمی کوردستان و لایەنە پەیوەندیدارەکان لە هەوڵەکانیان بەردەوام بن بۆ ئاشکراکردنی چارەنووسی بێسەروشوێنکراوانی کوردانی ئێزدی و رزگاکردنیان و گەڕاندنەوەیان بۆ نێو کەسوکاری خۆیان.
لەگەڵ ئاسایکردنەوەی دۆخی ئێستایی شنگال و گەڕاندنەوەی ئاوارەکانی شنگال بۆ زێدی خۆیان .
لە کۆتاییدا سەری رێز و نەوازش بۆ شەهیدان و قوربانییانی کۆمەڵکوژی شنگال و سەرجەم شەهیدانی گەلی کوردستان دادەنەوێنین.
ناوەندی ڕەوەندی کورد لەدەرەوە