ڕۆژا یەکشەممە 3ی تەباخا 2025 کۆنفیدراسیۆنا ڕەڤەندا کوردستان ب هەلکەفتا بویەرا تاڵ و دڵتەزین یا جێنۆسایدا کوردێن ئێزدی ب دەستێن ڕەش وچەپەل یێن هۆڤێن سەردەم ، تێرۆرستێن داعش ل 3ی تەباخا 2014، چالاکیەک سەرانسەری ل چەندین پایتەخت و باژارێن دیاسپۆرایێ لدارخست ژ بۆ ڕێزگرتن ژ بۆ جانگۆری و قوربانی و دایک و خۆشکێن مە یێن دەستێن تێرۆرستێن داعشدا، چالاکی ب پێشاندانا وێنەیێن قوربانیێن جێنۆسایدێ وداگیرساندنا مۆم وشەمالا وبەلاڤکرنا بەلاڤۆکێن زانیاری لسەر جینۆسایدا ئێزدیان ل چیایێ شنگالێ ، لسەر هاولاتیان ل وەلاتێن کۆچبەریێ هاتن پێکئانین
ل تەڤایا وەلات و باژاران ، باندۆرەک مەزن هەبو ژبەر کو ئەڤ ساڵ زۆربەی چالاکیان لناڤەندا وان باژارا هاتن لدارخست و زانیاریێن لسەر جینۆسایدێ بەلاڤکرن.
ئەم وەک کۆنفیدراسیۆنا ڕەڤەندا کوردستانی هەمو هێز و شیانا خوە ل وەلاتێن کۆچبەریێ وێ بخن خزمەتا کوردێن مە یێن ئزدی داکو ژ بۆ بتر جینۆسایدێ ب جڤاکا نێڤ دەولەتی بدن ناسین، و ڕێکەفتنا د نێڤبەرا حەکومەتا عراقا فەدرال و هەرێما کوردستانێ بێت جێبەجێکرن دا ڕەوشا شنگالێ ئاسایی بێت وخەلکێ مە ڤەگەرێت سەر جی و وارێن خو، شنگالی خو ب خو سەروەریا خوە بکەن.
هەزار سلاڤ ل گیانێ پاکێ قوربانیێن جینۆسایدا ئێزدیان و تەڤایا قوربانیێن کورد و کوردستانێ بن.
مرن و سەرشۆری بۆ هۆڤێن سەردەم تێرۆرستێن داعش.
کۆنفیدراسیۆنا ڕەڤەندا کوردستانی
