بەڕێز عەلی جەوانمەردی،
کۆنفیدراسیۆنی ڕەوەندی کوردستانی گەرمترین پیرۆزبایی خۆی ئاراستەی ئێوە دەکات بەبۆنەی دەستبەکاربوونتان وەک بەرپرسی نوێی بەشەکانی (کوردی، فارسی و ئەفغانی) لە ڕادیۆی دەنگی ئەمریکا.
ئێمە ئەم بڕیارە بە هەنگاوێکی گرنگ و کاریگەر بۆ بەهێزکردنی بنەماکانی دیموکراسی و ئازادیی ڕادەربڕین دەبینین. دڵنیایین ڕابردووی پیشەیی و خەباتگێڕانەی ئێوە لە بەرەی گەل و دژی ستەمکاری، دەبێتە هەوێنی گۆڕانکارییەکی ئەرێنی لە گوتاری میدیاییدا و دەنگی ڕاستەقینەی گەلانی ناوچەکە بە جیهان دەگەیەنێت.
کۆنفیدراسیۆنی ڕەوەندی کوردستانی وەک ناوەندی نوێنەرایەتیی کوردانی دیاسپۆرا، پشتگیریی تەواوی خۆی بۆ ئەم هەنگاوە ڕادەگەیەنێت و هیوای سەرکەوتنتان لەم ئەرکە نوێیەدا بۆ دەخوازێت.
کۆنفیدراسیۆنی ڕەوەندی کوردستانی
6ی کانوونی دووەمی 2026
