کۆنفدراسیۆنی ڕەوەندی کوردستانی بەبۆنەی ساڵوەگەڕی ئەنفال پەیامێکیان بڵاوکردەوە
کۆنفدراسیۆنی ڕەوەندی کوردستانی پەیامێکیان بەبۆنەی ساڵوەگەڕی یادی ئەنفال و جینۆسایدی گەلی کوردستان بڵاوکردەوە، کە تێیدا سەرجەم قوربانیانی ئەو تاوانەی کە رژێمی فاشیستی بەعس ئەنجامیدا، بە سەد و هەشتا هەزار هاووڵاتی کوردی بێ تاوان خەمڵێندراوە، جەختیش لەوە دەکەنەوە، کە پێویستە هەموو لایەک پێکەوە کار بۆ بە جینۆساید ناساندنی ئەو تاوانە و قەرەبووکردنەوەی کەسوکاریان بکەن.
دەقی پەیامەکە:
ئەمڕۆ 34 ساڵ تێدەپەڕێت بەسەر كارەساتی ئەنفالی گەلی کوردستان لە باشوور، کە لەسەر دەستی رژێمی فاشیستی بەعسدا ئەنجامدرا و، تێیدا سەد و هەشتا هەزار هاووڵاتی بێ تاوانی کورد، لە چەند پرۆسەیەکی جیاجیای ئەنفالدا کۆمەڵکوژ کران، پێویستە هەموو تاکێکی کورد چ لە ئاستی خۆی، یا ئاستی کۆنفدراسیۆن و کۆمەڵە کوردستانیەکەکان، لەسەر ئاستی نێودەوڵەتی کار بۆ جینۆساید ناساندنی ئەو تاوانە گەورە بکەن و، هەوڵی قەرەبوکردنەوەی کەسوکاری قوربانیانی ئەنفالیش بدەن.
کۆنفدراسیۆنی ڕەوەندی کوردستانی
14ی4ی2022
