ناوەندی ڕەوەندی کوردستانی-لەندەن و دەزگای نێودەوڵەتی پێشمەرگە بۆ کاری مرۆیی و لیژنەی ناوچەی قەڵادزێی پارتی دیموکراتی کوردستان کۆبوونەوە و، نەخشەی بەرنامە و چالاکییەکانیان تاوتوێکران.
ئەمڕۆ ٢٠/١١/٢٠٢٢ بەرپرسی ئافرەتانی ناوەندی ڕەوەندی کوردستانی-لەندەن خاتوو کلارا و ئەندامی فەرمی دەزگای نێودەوڵەتی پێشمەرگە بۆ کاری مرۆیی، بە ئامادەبوونی ئیدریس ئەحمەد عەلی، ئەندامی دەزگای نێودەوڵەتی پێشمەرگە و چالاکوانی مەدەنی، لەگەڵ لیژنەی ناوچەی قەڵادزێ، بە ئامادەبوونی بەرپرسی ناوچەی قەلادزێ و چەند کادیر و ئەندامێکی ناوچەکە کۆبوونەوە.
جێی باسە، لە کۆبوونەوەکەدا باسی پلان و چالاکییەکانی داهاتووی ناوەند و دەزگای نێودەوڵەتی پێشمەرگە کرا و، نەخشەی چالاکی و بەرنامەی تۆکمەیان لەپێناو خزمەتکردن بە چین و تۆێژەکانی شاری قەلادزێ تاوتوێ کران.
