لەژێر چەتری کۆنفیدراسیۆندا، بە ئامادەبوونی ناوەندەکانی بەلجیکا و چەند کۆمەڵە و نوێنەرانی پارت و لایەنە کوردستانییەکان و نوێنەری حکوومەتی هەرێمی کوردستان، مەراسیمێکیان لە برۆکسلی پایتەختی بەلجیکا بۆ یادی ریفراندۆمی سەربەخۆیی باشووری کوردستان ساز کرد.
ڕێکەوتی ٢٥ی ئەیلولی ٢٠٢٥، لەژێر چەتری کۆنفیدراسیۆنی ڕەوەندی کوردستانی، هەریەکە لە ناوەندی ڕەوەندی کوردستانی-برۆکسل، کۆمەڵەی ئاشتی، ناوەندی ڕەوەندی کوردستانی- بەلجیکا، بە مەراسیمێکی تایبەت یادی هەشتەمین ساڵڕۆژی ڕیفراندۆمی مێژوویی کوردستانیان بۆ سەربەخۆییی باشووری کوردستانیان ساز دا.
لە مەراسیمەکەدا کۆمەڵێکی بەرفراوان لە پێکهاتە کوردستانییەکان و کۆمەڵە فەرهەنگییەکان و نوێنەرانی سیاسیی بەشداری بوون و تیشکیان خستەسەر یەکڕیزی و پابەندبوونی ڕەوەندی کوردستانی بە دۆزی رەوای کوردستان، کە تێیدا بەڕێز دلاوەر خالید ئاژگەیی، نوێنەری حکوومەتی هەرێمی کوردستان لە ئەوروپا و بەلجیکا، خاتوو هەرمن ئەحمەد، ئەندامی کۆمیتەی بەڕێوەبەری کۆنفیدراسیۆنی رەوەندی کوردستانی، بەشدار بوون، هاوکات نوێنەرانی پارت و ڕێکخراوە سیاسییە گەورەکانی کوردستان لەوانە، پارتی دیموکراتی کوردستان PDK ، پارتی دیموکراتی کوردستان – سوریاPDKS ، کۆمیتەی پارتی دیموکراتی کوردستان– ئێرانKDPI ، پارتی یەکێتیی کورد– سوریا، ڕەوەندی ئەلدرازیە، کۆمەڵەی زاگرۆز، کۆمەڵەی هێڤی و بیرۆی کوردی، بەشداری یادەکە بوون.
بەڕێز کاوە ئاهەنگەری، وتارێکی بە ناوی کۆنفیدراسیۆنی ڕەوەندی کوردستانی، بە هەردوو زمانی ئینگلیزی و کوردی پێشکەش کرد، هەم بۆ گەلی کورد و هەم بۆ جەماوەری بەلجیکا.
جێی باسە، بە نمایشێکی کولتووریی یەکخستنی ڕەوەند لە یادکردنەوە و هاودەنگی و ئاهەنگگێڕان بە ئیرادەی گەلی کورد کۆتاییی هات.