کەمێک پێش ئێستا، جۆزێپ بۆرێل، به‌رپرسی سیاسه‌تی ده‌ره‌وه‌ی یه‌كێتیی ئه‌ورووپا گەیشتە هەرێمی کوردستان و، لە فڕۆکەخانەی نێودەوڵەتی هەولێر، لە لایەن سەفین دزەیی، بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان پێشوازی لێکرا.
بڕیارە بەرپرسی سیاسەتی دەرەوە و ئاسایشی یەکێتیی ئەوروپا لەگەڵ سەرۆک بارزانی و سەرۆکی هەرێمی کوردستان و سەرۆکی حکوومەتی هەرێمی کوردستان کۆ ببێتەوە و بە یاوەریی پارێزگاری هەولێریش، سەردانی قەڵای هەولێر بکات.
