ئەڵمانیا و چوار وڵاتی دیکەی ئەورووپا دەستپێشخەرییەکی نوێیان دەستپێکردووە بۆ دامەزراندنی هێزێکی کاردانەوەی خێرا بۆ یەکێتی ئەورووپا، ئەوەش لە دوای ڕووداوەکانی ئەم دواییەی ئەفغانستان دێت.
ئەڵمانیا، هۆڵەندا، پورتوگال، فینلاند و سلۆڤینی، ئەمڕۆ (21ی تشرینی یەکەمی 2021) گفتوگۆیان دەستپێکرد بۆ دامەزراندنی هێزێکی کاردانەوەی خێرای یەکێتیی ئەورووپا.
بەپێی ئەو زانیارییانەی کە ئاژانسی هەواڵی ئەڵمانیا (DPA) بڵاویکردووەتەوە، دەستپێشخەرییەکە باس لەوە دەکات، پێویستە یەکێتی ئەورووپا زیاتر پەرە بەو ئەو هێزانەی بدات، کە توانای کاردانەوەی خێرایان هەیە لە قەیراندا و دەتوانرێت لە ماوەیەکی کورتدا، دەستپێشخەرییەکە و تواناکانی سایبری و، هاوکات هێزی تایبەت و توانای گواستنەوەی ئاسمانی ستراتیژی دابین بکات.
بەڵگەنامەی دەستپێشخەرییەکە، کە لەلایەن ئەڵمانیا، هۆڵەندا، پورتوگال، فینلاند و سلۆڤینیاوە کاری لەسەر کراوە، هاتووە، ڕووداوەکانی ئەمدواییەی ئەفغانستان جارێکی دیکە نیشانیان داوە، کە پێویستە یەکێتی ئەورووپا بتوانێت بە توندی و خێرایی بجوڵێتەوە.
بۆ بەدەستهێنانی ئەوە، پێویستی بە باشترکردنی توانای سەربازی و ئامادەیی و ئامادەباشی و کارامەیی و، هەروەها بەکارهێنانی باشتر لە فۆڕمەکانی هاوکاری سەربازی نێوان وڵاتانی ئەندام لە یەکێتی ئەورووپا هەیە.
دۆکیومێنتی دەستپێشخەریەکە، ئەوەشی تێدایە، کە ئەمە بە گشتی دەتوانێت نەرمی زیاتر دابین بکات و، هەروەه
