نەقیبی سەندیکای پارێزەران میسر لەناو هۆڵی دادگا کۆچی دوایی دەکات

ڕەجایی عەتیە، نەقیبی سەندیکای پارێزەرانی میسر، پاش نیوەڕۆی ئەمڕۆ شەممە، دوای ئەوەی لە کاتی گوێگرتن لە دادگا، لەپڕ تەندرووستی تێکچوو و کۆچی دوایی کرد.

یاریدەدەری سکرتێری سەندیکای پارێزەران، ئەبوبەکر الزووە، رایگەیاند، دوای ئەوەی رەجایی عەتیە ئامادەی دادگا بووە، کتوپڕ تووشی جەڵتەی دڵ بوو و کۆچی دوایی کرد.

بە گوێرەی ئەو ڕاپۆرتانەی بڵاوکراونەتەوە، نەقیبی سەندیکاکە تەمەن 84 ساڵە کتوپڕ بە بێهۆشی کەوتۆتەخوارەوە و، بە ئامبولانس گواستراوەتەوە نەخۆشخانەیەکی جیزەی میسر.

عەتیە، لە ساڵی 1938 لە بشیبین کومی پارێزگای مەنوفیە لە وڵاتی میسر لە دایکبووە و، لە ساڵی 2020ەوە نەقیبی پارێزەرانی میسر بووە.