سکرتێری گشتی نەتەوەیەکگرتووەکان سەردانی مۆسکۆ و کیێڤ دەکات و وڵاتانی ڕۆژئاواش پلانی درێژخایەن بۆ ئۆکرانیا دادەڕێژن
دوای ئاگادراکردنەوەی بەنامەی فەرمی لە ڕێی نوێنەری هەمیشی ڕوسیا و ئۆکرانیا لە نەتەوەیەکگرتووەکان وابڕیارە ڕۆژانی دواتر ئەنتۆنیۆ گۆتیریس سکرتێری گشتی نەتەوەیەکگرتووەکان سەردانی مۆسکۆ و کییێڤ بکات ، لەگەڵ ڤلادمیرپۆتین سەرۆکی ڕوسیاو ڤۆلدمیر زلینسکی سەرۆکی ئۆکرانیا کۆببێتەوە
ئامانج لە سەردانی سکرتێری گشتی ئاگربەستێکی چوار ڕۆژییە تا بتوانێرێ ڕێڕەوی مرۆیی وپێداویستی خۆراک و پزیشکی بۆ هاوڵاتیانی شارەگەمارۆدراوەکان دابین بکرێت و سەرتایەکی گشتی بۆ لەیەک گەیشتن و بەگەڕ خستنەوەی دانوستانەکان تا ڕێڕەوی ئاشتی یەکجاری یاخود ئاگربەستی درێژخایەن بەرپا بکرێت
هەلەوبارەی نەتەوەیەکگرتووەکان ،ڕاپۆرتی شەڕی ڕوسیاو ئۆکرانیا لەبارەی پێشلکاری و کۆمەڵکوژییەوە ،ڕێکخراوی ناوبراو هەردوو وڵاتی تاوانبارکردووە
بەپێی ڕاگەیاندنەکانی هەردوو لایەنی شەڕ ڕاپۆرتی نەتەوەیەکگرتووەکان باس لە کۆمەڵکوژی چەند یەکێکی سوپای ڕوسیا لە نزیک شاری کییڤ دەکات و هەروەها بۆردومانی بێ پلانی چەند یەکەیەکی سوپای ئۆکرانیا بە شێوەیەکی هەرەمەکی بۆردومانیانکردوە ،زەورو زیانی زۆری بە هاوڵاتیانی مەدەنی گەیاندووە
لەلایەکی تر لەئەگەری درێژەدان بە شەڕ ئۆکرانیا لە ناوچەکانی باشور و ڕۆژهەڵات ،وڵاتەیەکگرتووەکانی ئەمەریکا داوای لە چل وڵاتانی ئەوروپاو هاوپەیمانان کردووە ،کە هەفتەی داهاتوو لە ئەڵمانیا کۆببنەوە ،بۆ دانانی پلانێکی درێژخایەن بۆ بەرگریکردن لە کیێڤ و ئەگەری بەردەوامی شەڕ لە ناوچەکانی باشور و خۆرهەڵاتی ئۆکرانیا درێژەدان بەهاکاری دارایی تا حکومەتی کیێڤ بتوانێت پێداویستی و مووچەی کارمەندانی وڵات دابین بکات
جێی باسە ڕۆژی هەینی لە کۆبوونەوەی سندوقی دراوی نێودەوڵەتی و بانکی جیهانی بە ئامادەبوونی سەرۆکی حکومەتی ئۆکرانیا وتاری ڤیدیۆی زیلنسکی لە واشتن ،ئۆکرانیا داوای حەوت ملیار دۆلاری مانگانە بۆ پێداویستی و موچەی کارمەندەکانی وڵاتو ئەو زیانانەی بەر ژێرخانی ئابوری و سەربازی وڵات کەوتووە دابین بکات
سۆران حەسەن
