دۆناڵد ترەمپ سەرۆکی پێشووی ئەمەریکا هێرشیکردە سەر جۆ بایدنی سەرۆکی وڵاتەکە و ئەو نوخبە سیاسییەی، کە وڵات بەڕێوەدەبەن و، بە کۆمەڵێک توندڕەو و سایکۆپات ناویان دەبات.
ترامپ لە ئۆهایۆ بۆ کۆمەڵێک لایەنگرانی قسەی کرد و وتی، بایدن دەستی تەوقە لەگەڵ هەوادا دەکات و شەرمەزارییە، کە دووبارەی کردەوە.
دوای ئەوەی هەفتەی ڕابردوو بایدن وتارێکی 40 خولەکی لە زانکۆی کشتوکاڵی و تەکنیکی کارۆلینای باکوور تەواو کرد، تەوقەیەکی لەگەڵ هەواداکرد.
فۆکس نیوز گوتی دەستەی پلاتفۆڕمی سەلماندن، (لایەنگرانی سەرۆک) هاتن بۆ بەرگریکردن لەو گاڵتەکردنەی، کە بە بایدن کرا و دووپاتیان کردەوە ڤیدیۆکە ڕاستە.
ترامپ وتیشی: “وڵاتەکەمان لەناودەبرێت و بەرەو دۆزەخ دەڕوات، ئێمە پێشتر هیچ شتێکی لەو شێوەیەمان نەبووە”.
ئەوەشی وت: “ئێمە ئێستا سەرۆکێکمان هەیە بە داخەوە، کە هیچ بیرۆکەیەکی نییە چی ڕوودەدات، کاتێ ئەو تەوقە لەگەڵ هەوا دەکات، بایدن باش نییە”.