ناوەندی ڕەوەندی کوردستانی لە ئەڵمانیا و کۆمەڵەی دۆستایەتی کورد و ئەڵمانی لە شاری بۆترۆپ دەستیان بە خولی زمانی کوردی بە دیالێکتی کرمانجی سەروو کردووە
لە رێککەوتی 22.05.2022 ناوەندی ڕەوەندی کوردستانی و کۆمەڵەی دۆستایەتی کورد و ئەڵمانی، خولێکی فێربوونی زمانی کوردی بە شێوەزاری کرمانجی کردووتەوە، کە تێیدا ڕۆژانی یەکشەممە لە کاتژمێر 12:00ی نیوەڕۆوە لەلایەن مامۆستا فەتاح تیمار وانە دەوترێتەوە.
ئەو کۆرسە بۆ ئەوانەیە کە بە کوردی دەتوانن گفتوگۆ بکەن و، لەڕێی ئەم کۆرسەوە فێری نووسینی کوردی و ڕێزمانی کوردی بەشێوەزاری کرمانجی و پیتی لاتینی بکرێن .
جێی باسە، دەرگای خۆتۆمارکردنیش کراوەیە بۆ قوتابیانی نوێ، ئەگەر ژمارەکەش زیادبێت، دەکرێ پۆلی نوێ بکرێتەوە، بۆیە ماڵباتی کوردی دەتوانن ناوی منداڵەكانیان تۆماربکەن، تا سودمەند بن لەم کۆرسە و ئەم ھەلە لەدەست نەدەن.