بەرپرسی دیسکی ڕەوەندی کوردستانی لە بارەگای بارزانی کۆبوونەوەیەکی لەگەڵ سەرۆکی کۆنفدراسیۆن و چەند بەرپرس و ئەندامێکی ناوەندی ڕەوەندی کوردستانی ئەنجامدا.
تاهیر هەورامی بەرپرسی دیسکی ڕەوەندی کوردستانی لە بارەگای بارزانی، لەگەڵ ئیسماعیل کامیل سەرۆکی کۆنفدراسیۆنی ڕەوەندی کوردستانی و هەورامان عەلی تۆفیق جێگری سەرۆکی کۆنفدراسیۆن و مەمێ مەمۆیی ئەندامی کۆمیتەی بەڕێوەبەری و بەرپرسی ناوەندی ڕەوەندی کوردستانی رووسیا و، چەند بەرپرس و ئەندامێکی ناوەندی ڕەوەندی کوردستانی و راگەیاندی ناوەندەکە کۆبووەوە.
لە میانەی کۆبوونەوەکەدا، بە گشتی گفتوگۆ لەسەر کاروچالاکییەکانی ناوەندی ڕەوەندی کوردستانی کرا، کە بۆ داهاتوو لە رووی لۆبی و راگەیاندن و ئەرک و کارەکانی دابێتی ناوەند لە وڵاتانی دەرەوە بکرێن، ئەوەش بە ئامانجی زیاتر خزمەتکردنی دۆزی رەوای گەلی کوردستان و کوردانی دانیشتووی وڵاتانی تاراوگە.
جێی باسە، لە کۆبوونەوەکەدا چەندین پرس و پێشنیار بۆ کارەکانی ناوەندی ڕەوەندی کوردستانی خرانەڕوو و لەلایەن بەشداربووانەوە بۆ کارەکانی داهاتوویان پەسەند کران.