ڕێکخراوی تیرۆریستی داعش درەنگانێکی ئێوارەی سێشەممە ڕایگەیاند، ئەفسەرێکی وەزارەتی نێوخۆی عێراق و سێ هاوڕێی کوشتوون، ئەفسەرەکە بەڕێوەبەری پاسپۆرتی شاری ئەعزەمیەیە بە ناوی عەقید یاسر جورانی.
جورانی و سێ هاوڕێی دوو هەفتە لەمەوبەر و لە گەشتێکی ڕاوەماسیدا بوون لە دەریاچەی حەمرین و دەوروبەری قەزای خانەقین لە لایەن چەکدارانی داعش رفێندران و، دووانیان کوشتن و هێزە عێراقییەکان توانیان سێیەم ئازاد بکەن، بەڵام دوای ئازادکردنی گیانی لە دەستدا، سوپا لە ناوچەکە ئۆپەراسیۆنی ئەمنی ئەنجامدا و تەرمی هەندێک لە ڕفێندراوەکانی دۆزیوەتەوە.