بەڕێوەبەرى ڕێکخراوى تەندروستى جیهانى هۆشداریدا لە روودانى تسۆنامى کۆرۆنا، هاوکات لەگەڵ بڵاوبوونەوەى هەردوو نەوەى دەلتا و ئۆمیکرۆن لە چەند وڵاتێکی جیهان.
تیدروس ئەدهانوم لە کۆنگرەیەکى رۆژنامەنوسیدا لە جنێف رایگەیاند، کاتى ئەوە هاتووە وڵاتانى دەوڵەمەند دەستبەرداری سیاسەتى نەتەوەیی کورتمەودا ببن و، کۆتایی بە نایەکسانى لە دابەشکردنى ڤاکسین لەسەر ئاستى جیهان بێنن.
هۆشدارییەکەى تەندروستى جیهانى لە کاتێکدایە، کە لە ئەمەریکا و وڵاتانى ئەوروپا، ژمارەى پێوانەیی لە تووشبوون بە ڤایرۆسى کۆرۆنا تۆمار دەکرێن.
بە گوێرەی ئامارەکانى تەندروستى جیهان، رێژەى تووشبوون بە کۆرۆنا لە ئەوروپا، 57% و لە ئەمەریکا، 30% لەم هەفتەیەدا بەرز بووەتەوە.
