حكومەتی هەرێمی كوردستان، بودجەیەكی تایبەت بەبڕی (480,000,000) چوارسەد و هەشتا ملیۆن دینار بۆ پارێزگای هەڵەبجە بۆ نەخۆشخانەی چارەسەری بەركەوتووانی كیمیایی تەرخانكرا.
بەگوێرەی راگەیەندراوێكی وەزارەتی تەندروستی حكومەتی هەرێمی كوردستان كە ئەمڕۆ یەكشەممە بڵاوكراوەتەوە:” (مەسرور بارزانی) سەرۆكی حكومەتی هەرێمی كوردستان ڕەزامەندی دەربڕی بۆ تەرخانكردنی بڕی (480,000,000) چوارسەد و هەشتا ملیۆن دینار بۆ دابینكردنی دەرمان و پێداویستی پزیشكی مانگانە بۆ نەخۆشخانەی چارەسەركردنی بەركەوتووانی كیمیایی لە پارێزگای هەڵەبجە.”
وەك لەراگەیەندراوەكەدا هاتووە، ئامانج لەو كارە، گرینگیدانە بە ڕەوشی تەندروستی بەركەوتووانی چەكی كیمیایین، دوای چالاكردن و دەسبەكاربوونی نەخۆشخانەی تایبەت بە چارەسەركردنی بەركەوتووان.