تەندروستى دهۆک داوا لە حکومەتى هەرێم دەکات بۆ رێگرى لە تەشەنەسەندنى بڵاوبونەوەى زیاترى ڤایرۆسى کۆرۆنا، بۆ ماوەى زیاتر لە دو هەفتە قەدەغەى هاتوچۆ لە هەرێم رابگەیەنرێت.
: هەمزە رەزیکى، بەرپرسى راگەیاندنى بەڕێوەبەرایەتى گشتى تەندروستى دهۆک لە لێدوانێكی رۆژنامەوانیدا وتی، بەپێویستی دەزانین حکومەتی هەرێمی کوردستان بۆ ماوەی دو هەفتە تا مانگێک قەدەغەی هاتوچۆ رابگەیەنێت.
ئاماژەی بەوەشدا، ئەگەر حکومەتی هەرێم بۆ ئەو ماوەیە قەدەغەی هاتوچۆ رابگەیەنێت، رەنگە دۆخی بڵاوبونەوەی ڤایرۆسی کۆرۆنا و ئامادەکارییە تەندروستییەکانی پەیوەست بەم بابەتە باشتر کۆنتڕۆڵبکرێن، بەڵام بەبێ راگەیاندنى قەدەغەى هاتوچۆ بارودۆخی بڵاوبونەوەی ڤایرۆسی کۆرۆنا زۆر خراپ دەبێت