لەتیف عومەر
بێشەی چنارلەبەژنی ئادەمیزاد
شۆڕەبی لە پەلکی ئاژەڵ و
درەختە کورتەباڵاکان
پڕ بوون لەهێلانەی باڵندەکان
ئەستێرەکان هێشتا ئارەزوی سەمای
جریوە ، جریویان بوو
ترۆپی چیاکان لە چاوەڕوانی گۆ ۆیا بوون٭
سپیدە بەنیاز بوو
سەرپۆشێکی سپی بکاتە کۆڵوانەی دایکی
کەس بەئاگای قرمە نەبوو
بە هێمنی دارستا بووە خۆڵەمێشی
پەلکی ژن و گەڵاڕەنگی پیاو کاکۆڵان
لەکەناری چەمێکەوە
کەمێ ئاوم دەست نەکەت
تۆسقاڵێ خۆڵە مێشیان نەدامێ
بیدەمە دەم ئاو
مەرکی هیچ گەڵایەکم نەناسییەوە
لەناو تۆزی خۆڵە مێشا
ئەستێرەکان لە پشتی سایەقەوە
خۆیان شاردبوویەوە
کازیوە بانگی هەوری ئەکرد
دام پۆشە نەبا گڕێك بمسوتێنێ
سپیدە بە هەینی وت
ڕادێری بانگی بەیانی مەبە
بە ئاشقان بڵێ
جێژوان بووە بەژێر فەتواوە … ..
٭٭٭
گۆ گۆ : لە چاوەڕوانی گۆ گۆ شاکاری چیرۆك نوسی فڕەنسی سامۆیڵ بێکت ، کەدوو کارکتەر فلادیمیر لەگەڵ ئیستراگۆن لە چاوڕێی گۆگۆن .