بەپێی توێژینەوەیەكی نوێ، ڤاكسینی مۆدێرنای تایبەت بە پەتای كۆرۆنا، لە ڤاكسینی فایزەر زیاتر دژە تەن درووست دەكات، بەتایبەتی لە كەسە بە تەمەنەكاندا.
بەپێی توێژینەوەیەكی نوێی زانكۆی ڤێرجینیای ئەمەریكی، كە گۆڤاری ئاتلایاری ئیسپانی بڵاویكردووەتەوە، زانایانی زانكۆکە، بۆیان دەركەوتووە كە ڤاكسینی مۆدێرنا لە ڤاكسینی فایزەر دژە تەنی زیاتر دژی ڤایرۆسی كۆرۆنا درووست دەكا، هەرچەند جیاوازییەكە زۆر نییە، بەڵام جیاوازییەكی باشە بە تایبەتی بۆ كەسە بە تەمەنەكان.
ئەوەش هاتووە، هەردوو ڤاكسینەكە بە شێوەیەكی نموونەیی سەركەوتوو بوون و، ملیۆنان كەس لە جیهاندا وەریانگرتووە، توێژینەوەكە تەنیا بۆ ئەوەكراوە كە ئایا ڤاكسینەكان دەتوانن ركابەری یەكتر بكەن، لێكۆڵینەوە لەسەر 167 كارمەندی سیستمی تەندرووستی كراوە، كە هەر بەشێكیان یەكێ لە جۆرەكانی ڤاكسینەكان وەرگرتووە.