Polîsa Tirkiyê ragihand, ku 14 berguman bi kuştina her 7 kesaên malbata Kurd a bajarê Qoniyayê hatin desteserkirin.
Li gorî daxuyaniya polîsê Turkiyê piştî lêkolînên bi girtiyan re, 10 kes mane girtin lê çarê din hatin berdan.
Tevî girtina wan kesan, lê heta niha kujerê sereke yê bi navê Mihemed Altun nehatiye dersteserkirin û xwe veşartiya, û li gorî hemû nîşanan wî bi xwe her heft qurbanî kuştine.
Tê zanîn roja 30ê Tîrmeha 2021ê li navçeya Meram a Koniya li Turkiyê, komeke nijadperestên Tirk êrîşî malbateke Kurd kirin, û di encamp de 7 kes ji yek malbatê kuştin û piştre jî mal şewitandin, û heta niha ev buyer bûye cihê karvedanên mezin di nav aliyên Kurdî û Turkî de.
