Talîbanê efûyeke giştî derxist û bang li karmend û rayedarên hikûmetê dike ku vegerin ser karên xwe.
Talîbanê bi daxuyaniyekê efûyeke giştî ji bo hemû karmendên dewletê ragihand û got, “Em her kesî efû dikin, lewma bi bawerî li karê xwe vegerin.”
Berdevkê Talîbanê Suheyl Şahîn diyar kir ku ew mal û milkên gelê Afgan diparêzin û li benda veguhastina desthilatdariyê bi rengekî aştiyane ne.
Doh Balyozê Rûsya yê li Kabûlê Dmitry Gernov tekez kir ku Talîbanê soz daye karmendên asayîşê û serbazên Afganistanê ku wan efû dikin û tu dozan li wan venakin.
Heta niha jî gelek Afganî hewl didin ku ji welêt birevin ji ber tirsa desthilata Talîbanê.