Bi sedan xebatkarên tenduristiyê yên Fransayê ji ber ku nexwestin vaksînê li xwe bidin ji karên xwe hatine dûrxistin.
Wezîrê Tenduristiyê yê Fransayê Olîvîer Veran diyar kir ku hejmarek karmendên tenduristiyê ji karê xwe îstifa kirine û wergirtina derziya Coronayê red kirine.
Di meha Tîrmehê de bi deh hezaran xebatkarên tenduristiyê vaksîn li xwe nexistibûn û pişt re Serokkomarê Fransayê Emanûel Macron ragihandibû ku 15ê vê mehê ji bo karmendên tenduristiyê cara dawî bû ji bo ku herî kêm vaksîna cara yekemîn li xwe bidin.
Wezîrê Tenduristiyê her wiha da xuyakirin ku karmendên ji karê xwe hatine dûrxistin, di xizmetên piştevaniyê de dixebitin û hejmara wan 3 hezar doktor û hemşîre ne.
Li Fransayê heta niha zêdetirî 7 mîlyon kes pê ketine û zêdetirî 116,000 mirinên ji ber Coronayê hatine tomarkirin.