لە خولێکی تری کۆبوونەوەکانی ئەمەریکا و ڕووسیا لە بارەی گرژی و ئاڵۆزییەکانی ئۆکرانیا و پرۆژەی دڵنیایی ئاسایشی ئەمڕۆ هەینی لە شاری جنێفی سویسرا ئەنتۆنی بلینکن وەزیری دەرەوەی ئەمەریکا و سێرگی لاڤرۆڤ وەزیری دەروەی ئەمەریکا کۆدەبنەوە
کۆبوونەوەی نێوان وەزیرانی دەرەوەی ڕووسیا و ئەمەریکا لە دوای چەند کۆبوونەوەیەک ڕاوێژکاری نێوان ڕووسیا و ئەمەریکا و ناتۆ لەسەر پێشنیاری گەرەنتی ئاسایشی و ئالۆزییەکان لە بارەی کێشەی ئۆکرانیا دێت
پێش کۆبوونەوەکەی ئەمڕۆ ،دوێنێ پێنج شەممە وەزیری دەرەوەی ئەمەریکا ئەنتۆنی بلینکن لە بەرلین لەگەڵ هاوتا ئەڵمانی و فەرەنسی و بەریتانییەکانی کۆبووەوە و پاشان بەڵێنی دا وەڵامی “هەر هێرشێکی سەربازێکی ڕووسیایی بداتەوە گەر سنووری ئۆکرانیا ببەزێنن
بلینکن بە پەیامنێرانی ڕاگەیاند :ئێمە بە ڕاشکاوی بەدرێژای ئەم ماوەیە ڕامانگەیاندووە ، ئەگەر هەر هێزێکی سەربازی ڕووسیا لە سنووری ئۆکرانیا بپەڕنەوە و کردەوەی نوێی شەڕانگێزی دژی ئۆکرانیا ئەنجام بدات، لە بەرامبەردا وەڵامێکی خێرا و توند لەلایەن ئەمریکا و هاوپەیمانەکانمان و هاوبەشەکانمان دەبێت
جێی باسە، ڕەشنووسی گەرەنتی ئاسایشی ڕووسیا لەگەڵ ویلایەتە یەکگرتووەکان و وڵاتانی ئەندامی ناتۆ، بریتین لە بەندەکانی دەستەبەری ئاسایشی هاوبەش لە ئەوروپا، لەوانە بڵاونەکردنەوەی مووشەکی مامناوەند و مەودا کورت لە ناوچەکانی هەردوولا، ئەوەش بۆ گەرەنتی ئاسایشی ناوچەکە پارێزراوبن ،هەروەها داواکارییە سەرەکیەکانی مۆسکۆ بریتین لە وازهێنان لە فراوانبوونی زیاتری ناتۆ لە ڕۆژهەڵات بەرەو سنووری ڕووسیا و کشانەوەی چەکەکانی ناتۆ بۆ شوێنەکانی پێش ساڵی 1997 و چەکی هێرشبەر لە نزیک سنووری ڕووسیا بڵاونەکرێتەوە
سۆران حەسەن