سەرۆکوەزیرانی لیتوانیا پلانی داناوە کامێرای چاودێری بە درێژایی لەسەر سنووری خۆی و بیلاڕووس دابنێت، کە پڕۆژەکە نزیکەی 40 ملیۆن یۆرۆی تێدەچێت، ئەوەش زۆر هەرزانترە لە دروستکردنی بەربەستی جەستەیی.
سنوورەکە نزیکەی 680 کیلۆمەتر درێژ دەبێتەوە و هەروەها دەکەوێتە دەووروبەری خاکی یەکێتی ئەوروپا بۆ ڕۆژهەڵات و، نزیکەی نیوەی ئەو مەودایە لە ئێستادا بە کامێرای چاودێرییەوە ئامادەکراوە و، ئەو هەنگاوەش تەنیا چەند هەفتەیەک دوای دەستپێکردنی پلانی بیلاڕووس بوو بە ڕێگەدان بە کۆچبەرانی ناوچەکانی دیکەی جیهان، بۆ ئەوەی لەوێوە بگەن بە وڵاتانی یەکێتی ئەوروپا.
ئەوەش بووە هۆی کۆبوونەوەی کۆچبەران لەسەر سنوورەکانی لیتوانیا و پۆڵەندا، کە کارەساتێکی مرۆیی لێکەوتەوە و، تێیدا ڕێگە لە کۆچبەران گیران لە گەیشتنیان بەرەو ڕۆژئاوا، لەولاشەوە هێزەکانی بیلاڕووسیش ڕێگریان لێدەکردن کە بگەڕێنەوە.