بەڕێوەبەری سایلۆی هەولێر، ئاشکرای دەکات بەشێکی دیکە لە پارەی گەنمی ساڵی 2020ی جووتیاران دابەش دەکرێت.
سەعید عومەر، بەڕێوەبەری سایلۆی هەولێر بە (باسنیوز)ی ڕاگەیاند: “سبەی یەکشەممە 20/6/2021 بەشێکی دیکەی پارەی گەنمی جووتیارانی ساڵی 2016 دابەش دەکرێ، کە پێشووتر گەنمیان ڕادەستی بنكەكانی کۆیە و ناو سایلۆی هەولێر، شەمامك، مەخموور و گردەڕەشە و گۆڕەپانی گردەڕەشە کردووە”.
گوتیشی: “بەپێی خشتە ئەو جووتیارانە دەتوانن سبەی چەکەکانیان وەربگرن، هەروەها بەپێی ئەو رۆژەی گەنم رادەست كراوە چەكەكان دەدرێت”.
بەڕێوەبەری سایلۆی هەولێر ئاماژەشی بەوەدا، “پارەی گەنمی ساڵی 2016، نزیکەی 10%ی ماوە و ئەویش لەو ماوەیە دەدرێ”.
پارەی گەنمی جووتیاران بۆ ساڵی 2016، بڕەکەی 65 ملیار و 779 ملیار دینارە، زیاتر لە 30 ملیار دیناری هی جووتیارانی پارێزگای هەولێرە.
