دەستەڵاتدارانی تورکیا، بەڕێوەبەری خوێندنگایەکی ئاینی، کە ئیمام و خەتیبە، بە تۆمەتی تەحەڕووشی سێکسی بۆ سەر 10 خوێندکاری منداڵی کچ، دەستگیرکرد.
دوای لێپرسینەوە لەگەڵ تۆمەتبارەکە لە ناوەندی ئاسایش، ناوبراو بۆ دادگای دادوەری بێلیکۆڤا، بە تۆمەتی ئیستغلالکردنی سێکسی و دەستدرێژی سێکسی بۆ سەر منداڵان، سزای زیندانیکردنی بەسەردا سەپێندرا.
دوور لە چاوی ڕۆژنامەنووسان، ئەفسەرانی پۆلیس بەڕێوەبەری خوێندنگای ئاینی مستەفا کارتلاریان بۆ نەخۆشخانەی حکوومی یونس ئیمری لە ئەسکیشیر برد و، لەوێ پشکنینی ڤایرۆسی کۆرۆنای بۆ ئەنجامدرا و پاشان ڕەوانەی زیندان کرا.