ئامارەکانی ئاژانسی گواستنەوەی سویدی دەری دەخەن، کە ساڵی ڕابردوو لێسەندنەوەی مۆڵەتی شۆفێری رێژەیەکی زۆری تۆمارکردووە.
ئاژانسەکە ڕوونی کردەوە، کە خێرایی لە ڕادەبەدەر، سیگناڵی سوور و لێخوڕین لەژێر کاریگەری کحولدا، زۆرترین هۆکاری لێسەندنەوەی مۆڵەتەکان بوون، بە گوێرەی ئاماری ئاژانسی گواستنەوە، ساڵی ڕابردوو 41 هەزار و 698 کەس مۆڵەتی شۆفێرییان لێسەندراوەتەوە.
بە گوێرەی ئامارەکە، زۆربەی ئەوانی مۆڵەتەکانیان لێسەندراوەتەوە، توێژی گەنجانی تەمەن 18 بۆ 24 ساڵ بوون، ئەوەش سەرەڕای ئەوەی، ئەو گرووپی تەمەنە، تەنیا لەسەدا حەوتی سەرجەمی خاوەن مۆڵەتەکانی شۆفێران لە سوید دێن.