ئۆکرانیا رایگەیاند، لە هێرشەکانی ئەمڕۆی رووسیا بۆ سەر وڵاتەکەیان، تا ئێستا 40 سەرباز و 10 هاووڵاتی کوژران و ژمارەیەکی زۆریش بریندار بوون.
سەر لە بەیانی ئەمڕۆ ڤلادیمێر پۆتین، سەرۆکی رووسیا، لە گوتارێکی تەلەڤزیۆنیدا، ئۆپەراسیۆنی سەربازی بۆ سەر ئۆکرانیا راگەیاند و، سوپای وڵاتەکەی هێرشی بۆ سەر رۆژهەڵاتی ئۆکرانیا دەستپێکرد.
چەند ساتێک دوای هێرشەکە، ڤۆلۆدمێیر زلینسکی، سەرۆکی ئۆکرانیا، لە پەیامێکدا داوای لە خەڵکی وڵاتەکەی کرد لە ماڵەکانیان بمێننەوە، هاوکات دڵنیایشی لە بەرگریکردن بەرانبەر هێرشەکانی رووسیا راگەیاند و، داواشی لە هاووڵاتیانی کرد، ئارام بن.