وەزارەتی دەرەوەی ڕووسیا ئەمڕۆ دووشەممە، رایگەیاند، مۆسکۆ هیچ پاساوێک بۆ ناردنی ئاشتی پارێزانی نەتەوە یەکگرتووەکان بۆ ئۆکرانیا نابینێت.
پیوتەر ئیلیچێڤ، بەڕێوەبەری بەشی ڕێکخراوە نێودەوڵەتییەکانی وەزارەتی دەرەوە، لە زاری ئاژانسی زانیاری ڕووسیاوە دەڵێت: “پێویست بە هێزی ئاشتی پارێز ناکات، چونکە ڕووسیا خۆی کۆنتڕۆڵی دۆخەکە دەکات”.
وەزارەتی دەرەوەی ڕووسیا، ئەوەشی ڕاگەیاند، کە هیچ پاساوێک بۆ ناردنی هێزی ئاشتی پارێز بۆ ئۆکرانیا لەلایەن نەتەوەیەگرتوەکان و هێزی ناتۆوە نییە.
ڤۆلۆدیمەر زیلینسکی، سەرۆکی ئۆکرانیا، داوای لە ناتۆ کرد ناوچەیەکی دژە فڕین بەسەر وڵاتەکەیدا بسەپێنێت، بەڵام ناتۆ ڕەتی کردۆتەوە، چونکە تێبینیان کردووە ئەوکارە دەبیتە هۆی هێرشی ڕووسیا بۆ سەر وڵاتانی ناتۆ