کەشتی جەنگی یو ئێس ئێس فۆرێست شێرمانی ئەمەریکا، ئەمڕۆ دووشەممە گەیشتە ستۆکهۆڵم، هێزەکانی بەرگری سوید دەڵێن، کە هاتنی کەشتییەکە لە ناکاو نەبووە و، بەڵکو ماوەیەکە پلانی بۆ داڕێژراوە.
کەشتییەکە ئەرکی سەرەکی بەرگری ئاسمانییە، جۆناس ئۆڵسۆن، سکرتێری ڕۆژنامەوانی هێزی بەرگری بە ئێس ڤی تی راگەیاند، کەشتییەکە مۆڵەتی مانەوەی بۆ چەند ڕۆژێک لە ستۆکهۆڵم هەیە و، ئەوەشی خستەڕوو، کە ناتوانێت بچێتە نێو وردەکاری دیکەوە.