نرخی نەوت زیاتر لە سەدا پێنج دابەزی، ئەمەش نزمترین ئاستە لە ماوەی دوو هەفتەی ڕابردوودا، ئەوەش بەهۆی دەنگۆی چارەسەری دیپلۆماسی بۆ کۆتایی پێهێنان بە ئۆپەراسیۆنی سەربازی ڕووسیا لە ئۆکرانیا، ئەو پێشکەوتنەی کە پشتگیری پێداویستییە جیهانییەکان دەکات، لە بەرانبەر بەرەو پێشچوون بۆ چارەسەر کردن، نرخی نەوتی دابەزاندووە.
نرخی نەوتی خاوی برێنت دابەزی بە بڕی 5,77 دۆلار بۆ هەربەرمیلێک، واتە لەسەدا 5,1، کە بە 106,90 دۆلار بۆ هەر بەرمیلێک فرۆشراوە.
هەروەها نەوتی خاوی ناوەندی ڕۆژئاوای تەکساسی ئەمەریکا، بەبڕی 6,32 دۆلار بۆ هەر بەرمیلێک، واتە لەسەدا 5,8 دابەزی، کە بە 103,01 دۆلار بۆ هەر بەرمیلێک فرۆشراوە.
شایەنی باسە، بەهۆی ئۆپەراسیۆنی شەڕی ڕووسیا و ئۆکرانیا و، ئەو سزایانەی وڵاتانی ڕۆژئاوا دژ بە ڕووسیا گرتیانەبەر، بەرزی نرخی نەوت لە پێشبینییەکان دەرچوو بۆ بەرزترین ئاستی ساڵی 2008 بەرزبووەوە.
سۆران حەسەن
