دوو هاوڵاتی کوردی خەڵکی شاری قووچانی سەر پارێزگای خۆراسانی ڕەزەوی، لەلایەن هێزە ئەمنییەکانی کۆماری ئیسلامی ئێرانەوە دەستبەسەر کران.
بەگوێرەی هەواڵی ڕێکخراوی مافی مرۆڤی هەنگاو، هێزەکانی ئیدارەی ئیتڵاعاتی قووچان، دوو هاوڵاتی کوردیان بە ناوەکانی، جەلال خاکسار تەمەن ٤٤ ساڵ و، حەسەن یەزدانی تەمەن ٤٥ ساڵ دەستبەسەر کردوون.
بە وتەی سەرچاوەیەکی ئاگادار، ئەو دوو هاوڵاتییە بێ پیشاندانی هیچ جۆرە بەڵگەیەکی یاسایی و دوای ئەوەی، کە لە هەرێمی کوردستانەوە گەڕاونەتەوە، لەلایەن هێزە ئەمنییەکانەوە دەستبەسەر کراون.
جێگای باسە، جەلال خاکسار و حەسەن یەزدانی لە هەرێمی کوردستان سەرقاڵی کاری جۆشکاری (لەحیم) بوون و، تا ئێستا هیچ زانیارییەک لە سەر هۆکارەکانی دەستبەسەرکران و ئەو تۆمەتانەی کە خراونەتە پاڵ ئەو دوو هاوڵاتیە کوردە، نادیارە