وەزارەتی دەرەوەی ڕوسیا ڕایگەیاند، کە 287 کەسایەتی ئەندامی ئەنجومەنی گشتی بەریتانیا سزا دراون.
لە راگەیەندراوێکی وەزارەتی دەرەوەدا هاتووە: “لە وەڵامی بڕیارەکەی حکومەتی بەریتانیا لە 11ی مانگی سێ، کە سزای بەسەر 386 ئەندام پەڕلەمانی ئەنجومەنی دومای ڕوسیا سەپاند، لەبەرانبەردا ڕوسیاش سزای بەسەر 287 ئەندام پەڕلەمانی بەریتانیا سەپاند”.
لەبەیاننامەکەدا هاتووە، کە لیستی سزاکانی ڕوسیا سەرۆکی پەڕلەمانی بەریتانیا لیندسی هاڤری هۆوێڵ-یش لەخۆدەگرێت.
ئەوەی بڵاوکراوەتەوە ئەو کەسانەی کە ئێستا سزادراون، ناتوانن بچنە ناو خاکی ڕوسیاوە، چونکە ڕۆڵێکی کارایان بینیوە لەبەرجەستەکردنی سزاکان دژ بە ڕوسیا لە لەندەن و، بەشداری لە پڕوپاگەندەی نادروست دژی ڕوسیا دەکەن.
جێی باسە لە سەرەتای دەستپێکی ئۆپەراسیۆنی داگیرکاری ڕوسیا دژ بە ئۆکرانیا، وڵاتانی ڕۆژئاوا و هاوپەیمانەکانیان، کۆمەڵە سزایەکی بازرگانی، ئابووری، دارایی، سیستمی بانکی و بگرە دیپلۆماسییەکان و کەسایەتیە سیاسیەکانیش، بەر سزاکان کەوتوون، لەبەرانبەردا ڕوسیاش کۆمەڵە سزایەکی هاوشێوەی دەرکردووە.
سۆران حەسەن