ناوەندی ڕەوەندی کورد لە دەرەوە ، وەک ئەرکی سەرشانی خۆیی ھەستا بە کردنەوەی کۆرسی زمانی کوردی بە شێوەزاری کرمانجی بە پیتی لاتینی بە سەرپەرشتی ڕاستەوخۆیی ناوەند، کۆرسەکان لە چەند ئاستێکدا بوون ، بۆ ماوەی شەش مانگ بەردەوامیان ھەبوو ، لەھەمان کاتدا پەیوەندی و ھەماھەنگی دروست ڕێکخرا لەگەڵ زانکۆیی دھۆک لە پشتگیری ئەم کۆرسانە لە ڕوانگەی زانستی و ئەکادیمی و پەروەردییەوە ، کاتێکیش کۆرسەکان کۆتاییان پێھات بڕوانامەکانیان لە لایەن زانکۆیی دھۆکەوە دانیانیان پێدانرا و وەک بڕوانامەیەکی فەرمی .
بێگومان لەسەرەتاوە ناوەندی ڕەوەندی کورد لە دەرەوە کاری لەسەر ئەوە کردووە زمانی کوردی و لایەنی پەروەردەیی لە پێشینەی کارەکانی بێت ، بۆ ئەو مەبەستەش تەواوی تێچووی ئەم کۆرسانەی لە ئەستۆگرت بە مامۆستاو پێداویستی و بەرنامەی تایبەت بۆ وتنەوەی وانەکان ، لەھەمان کاتدا کۆرسی شێوەزاری سۆرانیش بەردەوامی ھەیە و لەچەند مانگی داھاتوشدا ئەوانیش کۆتایی بە کۆرسەکانیان دێت ..
سوپاس بۆ زانکۆی دھۆک بۆ پشتیوانی و ھەماھەنگی و بوونی ئەو بڕوایە بە ئێمە وەک ناوەند ، ھیوادارین زانکۆکانی دی لە کوردستان بە ھەمان ئاراستەو ھەمان گیانی کوردیانەی زانکۆی دھۆک بێنە پێش تابتوانرێ لە ئایندەدا خزمەتی زیاتر بە مناڵانی کورد لە تاراوگە بکرێت و فێربوون و بە ئاشنابوونی زمانی کوردی بۆ مناڵانی دیاسپۆرا بکەینە بەرنامەو کاری بەردەوام .
پیرۆزبایی لە قوتابیە سەرکەوتوەکانیش دەکەین بەو ھیوایەی لە ئایندەدا بتوانن کارو خزمەتی باشتر بۆ نەتەوەکەیان پێشکەش بکەن ..
سوپاس بۆ گشت ئەو کەسانەی لەپشت سەرکەوتن و بەردەوامی کۆرسەکانی زمانی کوردیەوەن ، بە ھیوای ھەمیشە بەردەوامی .