سەرۆکی کۆنفدراسیۆنی ڕەوەندی کوردستانی و شاندی یاوەری، سەردانی پارتی گەلی تورکمانیان کرد و لەلایەن سکرتێری حزبەکەوە پێشوازیان لێکرا.
ئیسماعیل کامیل سەرۆکی کۆنفدراسیۆنی ڕەوەندی کوردستانی و، سەلام کوردە ئەندامی لیژنەی چاودێری کۆنفدراسیۆن و، مەمێ مەمۆیی ئەندامی کۆمیتەی بەڕێوەبەری و بەرپرسی ناوەندی ڕەوەندی کوردستانی-رووسیا، سەردانی بارەگای پارتی گەلی تورکمانیان کرد و لەلایەن عیرفان کەرکووکلییەوە پێشوازیان لێکرا.
لەمیانەی سەردانەکەدا، شاندەکەی باسیان لە کاروچالاکییەکانی ناوەندی ڕەوەندی کوردستانی کرا، کە ئامانج لە پڕۆژەکانیان وێڕای کوردانی تاراوگە، پشتیوانن بۆ هەرێمی کوردستان بەبێ جیاوازی پێکهاتەکان، لەبەرانبەریشدا عیرفان کەرکووکلی بە شاندی کۆنفدراسیۆنی راگەیاند، کە ئەو بە شانازییەوە کوردستانییە و ئەوەشی بەوان بکرێ، هاوکار و هەماهەنگی ناوەندی ڕەوەندی کوردستانی دەبن.