سەرلەبەیانی ئەمڕۆ بەرپرسی ناوەندی ڕەوەندی کوردستانی_بەریتانیا، سەردانی سەفارەتی عێراقی کرد و، لەلایەن بەرپرسی دۆسیەی ناوەنی ڕۆشنبیری سەفارەتەوە پێشوازی کرا.
ڕزگار شێخ عەلی بەرپرسی ناوەندی ڕەوەندی کوردستانی_بەریتانیا و کاکە حەیدەر، کاتژمێر 11:45 خولەکی سەرلەبەیانی ئەمڕۆ، سەردانی سەفارەتی عێراقیان لە لەندەن کرد و لەلایەن دکتۆر ئەحمەد خالید بەرپرسی دۆسیەی ناوەندی ڕۆشنبیری سەفارەت و جێگرەکەی عەلادین ناسری پێشوازی کران.
جێی باسە، سەردانەکە بەمەبەستی ناساندنی ناوەندەکە و کاروچالاکی و ئامانجەکانی بوو پێیان، وێڕای پێشوازییەکی گەرمییان، ئامادەیی خۆشیان بۆ هەماهەنگی و بەشداری بۆنە و کاروچالاکییەکانی یەکتر کرد، تا پێکەوە خزمەت بکەن.