پنتاگۆن هەڕەشە دەکات

پنتاگۆن ڕایدەگەیەنێت کە هەنگاوى پێویست دەگرنەبەر بۆ وەڵامدانەوەى هێرشەکانى سەریان لە عێراق و گرووپە میلیشیاکانی عێراقیش تۆمەتبار دەکەن کە بە ئەنقەست ئەمەریکیەکان لەو وڵاتە بێزار دەکەن.

کەناڵى عەرەبییە لە زارى سەرچاوەیەکی پنتاگۆن بڵاویکردەوە، کە ویلایەتە یەکگرتووەکانى ئەمەریکا، هەنگاوى پێویست دەگرێتەبەر بۆ وەڵامدانەوەى هێرشەکانى سەریان.

پنتاگۆن ئەوەشى ڕاگەیاندووە کە،گرووپە میلیشیاکان بە ئەنقەست ئەمەریکییەکان لە عێراق بێزار دەکەن و، ڕێگەنادەن هێزەکانیان لەو وڵاتە بکرێنە ئامانج.

ئەوەش دواى ئەوە دێت، ئەمڕۆ چوارشەممە 07-07-2021 بنکەی ئاسمانی عەین ئەسەد بە 14 مووشەک هێرشکرایە سەرى و، مووشەکەکان لەنێو بنکەکە کەوتنە خوارەوە و بەهۆیەوە دوو کەس برینداربوون.