کۆنفدراسیۆنی ڕەوەندی کوردستانی پەیامێک ئاراستەی سەرۆکی پارتی دەکەن

بەبۆنەی ٧٦ەمین ساڵوەگەڕی دامەزراندنی پارتی دیموکراتی کوردستان، کۆنفدراسیۆنی ڕەوەندی کوردستانی پەیامێکیان ئاڕاستەی مەسعود بارزانی، سەرۆکی پارتی دیموکراتی کوردستان کردووە، کە وێڕای پیرۆزبایی، دەخوازن ئەو یادە ببێتە هاندەر بۆ بەهێزکردنی پێگەی حکومڕانی لە هەرێمی کوردستان.

دەقی پەیامەکە:

بەڕێز/ سەرۆکی پارتی دیموکراتی کوردستان

ب/ پەیامی پیرۆزبایی

لە یادی ٧٦ ساڵەی دامەزراندنی پارتی دیموکراتی کوردستان، گەرمترین پیرۆزبایی خۆمان ئاڕاستەی سەرۆک مەسعود بارزانی، سەرۆکی پارتی دیموکراتی کوردستان و مەکتەبی سیاسی و هەموو ئەندام و لایەنگرانتان دەکەین، هیوادارین ئەم یادە هاندەر بێت بۆ بەهێزترکردنی پێگەی حکومڕانی لە هەرێمی کوردستان، کە تێیدا ئەو پارتە سەرۆکایەتی حکومەتی هەرێم دەکات، کە ئەوەش بەرهەمی زیاتر لە حەوت دەیەی ئەو پارتە و گەلی کوردستانە.

دووبارە پیرۆزە و بە هیوای وەدی هێنان و گەیشتن بە ئامانجی گەورەتر، کە سەربەخۆیی هەرێمی کوردستانە.

کۆنفدراسیۆنی ڕەوەندی کوردستانی

16ی8ی2022