لەشاری کۆڵن جێگری کۆنفدراسیۆنی ڕەوەندی کوردستانی بەشداری سیمینارێکی تایبەت بە ناساندنی کتێب و بەرهەمەکانی نوسەر و شاعیر و رووناکبیرێکی کوردی ئەرمینیا دەکات.
لەسەر بانگهێشتی کۆمەڵەی کۆمکار لە کۆڵن، هەورامان عەلی تۆفیق جێگری سەرۆکی کۆنفدراسیۆنی ڕەوەندی کوردستانی و شاندێکی یاوەری، بەشداری مەراسیمێکی تایبەت بە ناساندنی کتێب و بەرهەمەکانی نووسەر و شاعیر و رووناکبیری کوردی ئەرمینیا، بۆیک عەسکەر-یان، کرد.
بۆیک عەسکەر لەساڵی 1941 لە خێزانێکی ئێزدی گوندی قۆندێکسازی ئەرمەنستان لەدایکبووە، لە گوندەکەی خۆی چووەتە قوتابخانە و دواتر لە گوندی ئێلیگێز ئەو بەردەوام بووە لە خوێندن و، لە یەریڤانیش ئابووری خوێندووە ، چەندین وتاری بە زمانی ئەرمەنی نووسیوە.
جێی باسە، کۆمەڵەی کۆمکار لە کۆڵن هەستابوون بە سازدانی سیمینارەکە، کە تێیدا نوێنەرانی لایەنە سیاسییەکان، هاوکات نووسەر و چالاکوانانی کورد و کۆمەڵە و رێکخراوە کوردییەکانی سەرجەم پارچەکانی کوردستان بەشداری بوون.
