لەسەر بانگهێشتی حیزبی دیموکراتی کوردستان-ئێران، شاندێکی ناوەندی رەوەندی کوردستانی-نەمسا، بەشدارییان لە یادی شەهید د. عەبدولڕەحمان قاسملوو کرد.
شاندی ناوەندەکە بە سەرپەرشتی نزار موسا بەرپرسی ناوەند و، ئەفشین ئەقدەسی ئەندامی کۆمیتەی گشتی و، سامان عەباسی و ئەندامانی دیکەی ناوەندەکە بوون، کە تێیدا نزار موسا، وتارێکی پێشکەش کرد و باسی لە ڕۆڵی قاسملووی نەمر لە بزووتنەوەی ڕزگاریخوازی کورد کرد.
هەر لە میانەی وتارەکەیدا، بەرپرسی ناوەندی ڕەوەندی کوردستانی-نەمسا، ئاماژەی بەوەشدا، کە ئامانجی تیرۆرکردنی شەهید قاسملوو، ئاستەنگ خستنە سەر شۆڕشی کورد بووە لە رۆژهەڵاتی کوردستان، جەختیشی لەوە کردەوە، کە دەبێت وەک کورد، پەیڕەوی ڕێبازی سەرکردەکانی کورد و پڕۆژەی نیشتمانی کوردستان بکەن و بەردەوام بن.