ناوەندی بەلجیکا داوا لە کوردانی نیشتەجێی ئەو وڵاتە دەکان، کە لە ڕێکەوتی ٣ی ئابی ئەم ساڵ بەشداریی یادکردنەوەی جینۆسایدی ئێزدییەکان بکەن، کە شوێن و کاتەکەیان دیارییکردووە.
دەقی ئاگادارییەکە:
لەڕۆژی یەکشەممە ڕێکەوتی ٣ی ئابی ٢٠٢٥،
بە بەشدارییکردنی ناوەندی ڕەوەندی کوردستانی لە بەلجیکا، هاوکات بە هاوکاریی ڕێکخراوی ئاشتی، کۆمەڵەی هێڤی و ڕێکخراوی ماڵی کورد، یادی کۆمەڵکوژی ئێزدییەکان بەڕێوە دەچێت.
ئەم بۆنەیە یادێكە بۆ کارەساتی کۆمەڵکوژی ٣ی ئابی ٢٠١٤ ، کاتێک داعش لە شنگال دەستی بە کۆمەڵکوژیی ئێزدییەکان کرد.
بۆ ئەم ئامانجە، داواکارین لە خەڵکی کورد و کوردستانییانی وڵاتی بەلجیکا وەک دۆستەکانمان لەگەڵمان بن بۆ یادکردنی ئەو ڕۆژە کارەساتبارەی بەسەر خوشک و برا ئێزدییەکانمان هاتووە.
لەم ناونیشانەی خوارەوە چاوەڕووانتانین.
🕒 کات: لە 14:00 ی پاشنیوەڕۆ تا 16:00 ی پاشنیوەڕۆ
📍 شوێن: پێش وێستگەی ناوەندی برۆکسل (Voor het Central Station)
