كۆمپانیای تۆیۆتا بە فەرمی لە تویتەردا رایگەیاندووە، کە چیدیکە ئوتۆمبێلی جۆری ئەڤەلۆن بەرهەم ناهێننەوە، ئەو بڕیارەش بە فەرمیی لە ساڵی 2022 جێبەجێ دەكرێ.
كۆمپانیای تۆیۆتا لە تویتەر ئەوەی خستووەتەڕوو، كە لە ساڵی 2022ەوە بەرهەمهێنانی ئەڤەلۆن رادەگرێت، تا ئێستە هۆكارەكەی ئاشكرا نەكردووە و نەیگوتووە كە بۆ ئەو بەرهەمە پڕ فرۆشە رادەگرێت، تەنیا ئەوە پشتڕاست كراوەتەوە بەرهەمەكە لە ساڵی داهاتوودا دەوەستێت.
تۆیۆتا یەكێكە لە كۆمپانیا گەورەكان بۆ بەرھەمھێنانی ئوتۆمبێل، كە بنكەی سەرەكی دەكەوێتە شاری تۆیۆتا لە ناوچەی ئیچی ژاپۆن، كۆمپانیاكە جگە لە بەرهەمهێنانی ئوتۆمبێل، پاس و چەندان جۆری پیكابی جیاواز درووست دەكات، تۆیۆتا لەسەر ئاستی كۆمپانیاكانی ژاپۆن، یەكەم كۆمپانیایە لە رووی زۆری بەرھەمھێنانی ئوتۆمۆبێلەوە.