نوێنەری ئۆفیسی پەیوەندییەکانی کۆنفیدراسیۆنی رەوەندی کوردستانی، بەشداریی سیمینارێکی جیهانی لە لەندەن کرد و وتارێکی پێشکەش کرد.
خاتوو شیلان ئاستەیی، بە نوێنەرایەتیی ئۆفیسی پەیوەندییەکانی کۆنفیدراسیۆنی ڕەوەندی کوردستانی، بەشداریی سمینارێکی جیهانی لە لەندەن کرد، کە لەژێر ناوی بەهێزکردن و پێگەیاندنی ئافرەتان بۆ کاری میدیا و گفتوگۆ لە بواری پێگەیاندنی ئافرەتان لە گشت سکتەرێکدا بوو.
خاتوو شیلان ئاستەیی، لە پانێڵێکدا خۆی ناساند و لێهاتوویی و کارامەیی ئافرەتانی کوردی بۆ ئامادەبووان باس کرد، هەر لەو پانێڵەدا بە مودراتوری وت، کە ئایا ئێوە ئاگادارن ئافرەتان لە کوردستان ٣٠ لەسەد بەشدارن لە حوکمڕانی؟ دەزانن سەرۆکی پەرلەمانی کوردستان ئافرەت بوو؟ دەزانن ئافرەتان لە کوردستان بێجگە لە کەرتی پەروەردە و تەندروستی، خاوەنی کار و بازرگانی و براندن؟
لە وەڵامدا گوتی بەڵێ تا ڕادەک ئاگادارم خانمانی کورد بوێرن، هیوادارین پێکەوە لە هەولێر بتوانین ڕۆژێکی وەک ئەمڕۆمان هەبێت.