شفا بارزانی پێشوازی لە شاندی فیدراسیۆنی ژنان کرد

سەرپەرشتیاری گشتیی ڕەوەندی کوردستانی پێشوازی لە شاندی فیدراسیۆنی ژنانی سەربە کۆنفیدراسیۆنی ڕەوەندی کوردستانی کرد.

ڕۆژی شەممە ڕێكەوتی ٨ی ١١ی ٢٠٢٥، شفا بارزانی سەرپەرشتیاری گشتیی ڕەوەندی كوردستانی، پێشوازی لە شیرین زەكی بەرپرسی فیدراسیۆنی ژنانی سەربە کۆنفیدراسیۆنی رەوەندی کوردستانی و شەهێن زادەئەحمەد جێگری بەرپرسی فیدراسیۆن كرد.

لە دانیشتنەكەدا گفتوگۆ لەسەر پڕۆژە و چالاكییەكانی فیدراسیۆنی ژنان كرا و تیشك خرایە سەر چۆنیەتی بەڕێوەچوونی ئامادەكارییەكان بۆ بەستنی یەكەمین كۆنگرەی فیدراسیۆنەکە لە وڵاتی ئەڵمانیا. سەرپەرشتیاری گشتیی ڕەوەندی كوردستانی، بەڵێنی هەموو جۆرە پشتیگرییەكی بۆ كارەكانی فیدراسیۆن دەربڕی، شاندی فیدراسیۆنەکەش سوپاسی پاڵپشتی و هاوكاریی بەردەوامی بەڕێزیانی كرد.