بێژەرێكی كوردی كەناڵێكی توركیا، رووبەڕووی رەخنە دەبێتەوە، کە دوای ئەوەی رێگری لە ژنێك کرد بە زمانی كوردی بەشداری لە بەرنامەكەیدا بكا.
ژنێكی كورد بۆ بەشداریکردن لە بەرنامەیەکی كەناڵی شۆ تی ڤی توركی پەیوەندی بە بەرنامەكە دەکات و دەیەوێت بە كوردی قسە بكات، بەڵام دیدەم ئارسڵانی پێشكەشكاری بەرنامەكە، رێگری لێ دەكات و دەڵێت، لە كوردی تێناگەین ئێرە كۆماری توركیایە.
لای خۆشیەوە نووسەری كورد، فەهیم ئیشق، رەخنەی لەو پێشكەشكارە گرتووە و نووسیویەتی، دیدەم خۆی كوردێكی عەلەوییە و خەڵكی شاری سیواسە، ئاشكراشی دەكات كە جارێك لە بەرنامەی كەناڵێكی توركیدا دیدەمی بینیوە و بە گوێی فەهیمدا چرپاندوویەتی: ئەز ژی كوردم.