ناوەندی رەوەندی کوردستانی-برۆکسل، بە بۆنەی یادی جینۆسایدی خوشک و برا ئێزدییەکان، مەراسیمێکی تایبەت بەڕێوە دەبات.
ڕۆژی ٣ی ٨ی ٢٠٢٦، ناوەندی رەوەندی کوردستانی-برۆکسل و چەند کۆمەڵە و ڕێکخراوێک، بۆ یادکردنەوەی قوربانییانی جینۆسایدی ئێزدییەکان و پیشاندانی هاودەردی و پشتیوانی لە خێزانەکانی قوربانییان، لە بارەگای ناوەندی برۆکسل مەراسیمێکی تایبەت بەڕێوە دەبەن.
ناوەندی رەوەندی کوردستانی-برۆکسل، داوا لە کوردستانییان و هەموو ئەوانەی گرنگی بە ماف و یادەوەرییە مرۆییەکان دەدەن کردووە، کە بەشداری لەو مەراسیمە بکەن و یاد و لەو ڕێیەوە بیرەوەریی قوربانییانی ئەو تراژیدیایە بەرز ڕابگرن.