چەند رێکخراوێک داوا لە کوردانی دیاسپۆرا دەکەن بەهانای لێقەوماوانی هەولێر بچن

دەقی بەیاننامەکە:

بانگەوازی هاوپشتی و هاوکاریی مرۆڤایەتی بۆ خەڵکی هەولێر

هەولێر، ئەو شارەی کە هەمیشە بووە پەنا و پشتیوانیی خەڵکی لێقەوماو، ئەمڕۆ خۆی پێویستی بە هاوکاریی ئێمە هەیە.

بەهۆی باران و لافاوی توندەوە، هەزاران خێزان زیانیان پێگەیشتووە و ژمارەیەکی زۆر ماڵ و پەناگەی خۆیان لە دەست داوە. سەرما و قەیرانی سووتەمەنی و وزەش بارودۆخەکەیان خراپتر کردووە.

داوا لە هەموو کوردانی ئەورووپا و جیهان و هەموو مرۆڤدۆستان دەکەین، بەپێی توانای خۆیان یارمەتیی خێزانە زیانلێکەوتووەکان بدەن؛ بە بەخشینی پارە، خواردن، جل و بەرگی گەرم، سووتەمەنی و پێداویستییە سەرەتاییەکان.

هەولێر لە کاتی پێویستدا لەگەڵ ئێمە بوو؛ ئێستا نۆرەی ئێمەیە لەگەڵی بین!

با بە هاوپشتی و یەکگرتوویی لە تەنیشت خەڵکی هەولێر بووەستین.

هەولێر ماڵی هەموومانە و ئازاری هەولێر ئازاری هەموومانە.

د. ڤیان یوسف

 سەرۆکى گشتیى

 فیدراسیۆنی دیاسپۆرای کوردستانی لە ئەڵمانیا

د.مستەفا عەلى

   سەرۆکی گشتىی

یەکێتیی پزیشکانی كورد له ئەڵمانيا