لە سنووری بانە شەڕێک لە نێوان هێزێکی کوردی سوپای ئێران روو دەدات و سەربازێکی پلەدار ئەو وڵاتە دەکوژرێت.
بە پێی زانیارییەکان شەوی رابردوو، شەڕ لە نێوان هێزێکی کوردی رۆژهەڵات و سوپای ئێران لە پاسگای گڵەسوورەی سنووری بانە روو دەدات و لە ئەنجامدا، پلەدارێکی ئێران بە ناوی، رەشید سپەهوەند (ئوستوار دوو)ی خەڵکی خوڕەماوای لوڕستان، کوژراوە.
بە پێی زانیارییەکان پلەدارەکە، دەستێکی باڵای لە کوشتنی کۆڵبەران و ئەزیەت و ئازاری خەڵکیدا هەبووە.
تاگەیشتنی ئەم هەواڵە هیچ زانیارییەکی وردتر لەسەر شەڕەکە بڵاو نەکراوەتەوە و ئەو هێزە کورردییەش روون نەبووەتەوە، کە سەر بە کام حیزبی کوردی رۆژهەڵاتن.